Астана қаласында 3–9 желтоқсан аралығында өтетін WorldSkills Kazakhstan 2025 республикалық чемпионатына қатысатын Маңғыстау облысының құрамасы анықталды, деп хабарлайды mangystauzhastary.kz сайты otpannews.kz-ке сілтеме жасап.
Облыстық білім басқармасының мәліметінше, республикалық чемпионатқа Маңғыстау облысынан 43 құзыреттілік бойынша 51 студент қатысады. Құрамаға өңірлік чемпионатта жоғары нәтиже көрсетіп, іріктеуден сәтті өткен білім алушылар енді.
Жиында білім басқармасының өкілдері, колледж директорлары мен орынбасарлары, компатриот-эксперттер және студенттер республикалық WorldSkills Kazakhstan 2025 чемпионатына қатысатын жас мамандарға сәттілік тіледі.
