Достар! Керемет жаңалықпен бөліскіміз келеді!
«Жыл волонтері» халықаралық сыйлығына онлайн-дауыс беру басталды! Маңғыстау облысының атынан Кисбаев Юсуф Қонақбайұлы қатысып жатыр.
Юсуф Қонақбайұлы – «Жаңаөзен қызмет көрсету және жаңа технологиялар» колледжі басшының тәрбие жөніндегі орынбасары. Колледж жанынан құрылған «Парасат» волонтерлік клуб жетекшісі. 2016 жылдан бастап «Қазақстанның Ұлттық волонтерлік желісі» кіші жобасы Қазақстанға қатысты мақалаларды кеңейтуге және жақсартуға мүдделі ұлттық волонтерлік желіден википедияның белсенді қатысушы-волонтері.
Ол колледж жанынан құрылған «Парасат» волонтерлік клубы жұмыстарын жоғары деңгейде ұйымдастырып келеді. Ұйымдастырушылық қабілетінің нәтижесінде ол студенттердің колледжішілік, қалалық және облыстық сайыстарға, конференциялар мен мәдени іс-шараларға, волонтерлік бағыттағы түрлі жұмыстарға белсенді қатысуын үнемі қадағалап отырады.
Түрлі қайырымдылық шараларына, акциялар мен челлендждерге өзі қатысып қана қоймай, оқу орны жанынан құрылған еріктілер клубының белсенділігін арттыруда.
Педагогикалық және волонтерлік қозғалысты дамытудағы еңбектері әр жылдары бағаланып келеді:
• Республикалық волонтерлер фронт-офисінің және «Ұлттық волонтерлік желі» ЗТБ-ның президентінің «Алғыс хаты» – ұлттық волонтерлік желіні дамыту мен қолдаудағы, еріктілік жұмыстары үшін;(Нұр-сұлтан қ, 2022 жыл);
• «Қазақ энциклопедиясы» Алматы ұлттық баспасы бас директорының Алғысы – «Қазақ энциклопедиясы» ұлттық баспасының туындыларын википедия желінде белсенді таралуына қосқан үлесі үшін (Алматы қаласы 2021);
• Бауыржан Момышұлы атындағы «Батыр шапағаты» медалі (Алматы, 2022 жыл) – қоғамдық белсенділігі және волонтерлік жұмыстары үшін;
• Жаңаөзен қаласы әкімінің Алғыс хаты; ҚР Мәдениет және ақпарат вице-министрінің Алғыс хаты (2023) және т.б көптеген алғыс хаттар мен дипломдармен марапатталған.
Сілтеме: https://award-qazvolunteer.kz/?page_id=247
Жұлдызай ҚАЛИЕВА
