Маңғыстау облысының жастар саясаты мәселелері жөніндегі басқармасының қолдауымен Азаматтық бастамаларды қолдау орталығымен бірлесе «Ақтау» студенттер Альянсы» корпоративтік қорының ұйымдастыруымен «Жыл студенті – 2023» байқауы өтеді.
Байқауға 2-курстан бастап жоғарғы және кәсіптік-техникалық оқу орындарының күндізгі бөлімінде оқитын студенттер қатыса алады.
«Жыл студенті – 2023» облыстық студенттер байқауына үміткер тек бір номинация бойынша ғана қатыса алады. Сонымен қатар «Жыл студенті – 2023» облыстық студенттер байқауына қатысушы үміткерді оқу орнының басшысы ұсынуы тиіс.
«Жыл студенті – 2023» байқауы келесі аталымдар бойынша жүргізіледі
• «Жыл студенті»;
•«Үздік белсенді студент»;
• «Үздік мобилограф»;
• «Үздік спортшы»;
• «Үздік өнерпаз»;
• «Үздік студенттік өзін-өзі басқару ұйымының төрағасы»;
• «Үздік ақын»;
• «Үздік ерікті»;
• «Үлгерімі бойынша үздік студент»
•«Үздік суретші»;
• Арнайы номинация «Ханзада мен Ханшайым»;
Өтінімдер 2023 жылдың 23 қараша күні сағат 15.00-ге дейін қабылданады. Құжаттар 6 шағынаудан Жастар орталығы, 13 кабинетке тапсырылуы тиіс.
Қосымша мәлімет алу үшін: +7 776 964 08 84 Гүлдана Асылбекқызына хабарлассаңыз болады.
«Жыл студенті — 2023» ережесімен танысып, өтінім жіберіңіз.
