Біз күніне смартфон пайдалануға орта есеппен 5 сағатымызды жұмсаймыз. Бұл әдеттегі күніміздің 30 % -дан астам бөлігі. Егер аталған орташа көрсеткіш әлемдегі 5,44 миллиард мобильді пайдаланушының барлығында орындалатын болса, онда ұялы телефонды пайдалану жылына шамамен 10 триллион сағатқа немесе адамзат өмірінің 1 миллиард жылдан астам уақытына тең болады.
Осы 5 сағат ішінде не істеп жатырмыз? Data.ai сайты әлеуметтік желідегі уақытымызға талдау жасаған екен.
Мобильді уақыттың 40%-дан астамы әлеуметтік және коммуникациялық қолданбаларды пайдалануға жұмсалады.
Уақыттың төрттен бір бөлігі фото және бейне қолданбаларына тиесілі. Бұл санатқа TikTok және Snapchat кіреді. Сондықтан Social Media жалпы мобильді уақыттың жартысынан көбін құрауы мүмкін.
Ал мобильді уақыттың 8%-дан астамы веб-браузерлерді пайдалануға жұмсалады. Бұл әрбір 12 мобильді минуттың біреуі ғана интернетті пайдаланатынын білдіреді.
Сондай-ақ уақыттың 8%-ы мобильді ойындарды ойнауға кетеді. Алайда бұл уақыт көрсеткіші құмар ойыншыларына тән емес. Себебі олар күніне бұдан да көп уақытын ойын ойнауға жұмсайды.
Оған қоса ойын-сауық қолданбалары мобильді уақыттың кем дегенде 3%-ын құрайды. Осы орайда YouTube сияқты қолданбалар «ойын-сауықта» емес, «бейнелер» санатына жататынын есте сақтаған жөн.
Amazon және SHEIN – әлемдегі ең танымал қолданбалардың бірі. Аталған шоппинг қолданбалары мобильді уақыттың 2,7% ғана алады.
Қызықты иә? Ал сіз мобильді уақытыңыздың көп бөлігін қайда жұмсайсыз?
Жұлдызай ҚАЛИЕВА