Маңғыстау облысының жастар ресурстық орталығының ұйымдастырған жастар арасында салауатты өмір салтын насихаттау, зиянды әдеттердің, ЖИТС пен ВИЧ-тің алдын алу жолдарын түсіндіру мақсатында «САЛАУАТТЫ ӨМІР — ДЕНІ САУ ҚОҒАМ» атты ақпараттық іс-шара өтті.
Іс-шараға Маңғыстау облысының психикалық денсаулық орталығының директоры Мәди Тоқанов, облыстық Жастар ресурстық орталығының психологы Маржан Мұстафина, №1 қалалық емхананың репродуктивті денсаулық сақтау саласының мамандары Гүлшат Көбенова, Гүлнар Бозтаева және Александра Ворожейкина қатысты.
Мамандар жастарға зиянды әдеттердің салдары, есірткіге тәуелділіктің психологиялық және физиологиялық зияны, сондай-ақ репродуктивті денсаулықты сақтау жолдары туралы кеңінен ақпарат беріп, сауалдарға жауап берді.
Шараның басты мақсаты – жастардың денсаулығын сақтау, өмірлік маңызы бар дұрыс таңдау жасауына ықпал ету және зиянды әдеттерден аулақ болуға үндеу. Аталған кездесу жастардың саналы көзқарасын қалыптастыруға және дені сау қоғам құруға бағытталған маңызды қадам болып отыр.
