Ақтаулық оқушылар халықаралық жарыста топ жарды.
3-5 қараша аралығында Қарағандыда халықаралық VІІ «Roboland-2022» робототехника, бағдарламалау және инновациялық технологиялар фестивалі өтті.
3 күнге созылған халықаралық жарысқа Грекия, Ресей, Өзбекстан, Қырғызстан және Қазақстанның барлық өңірінен 800-ден астам адам қатысты.
Жарыс қорытындысы бойынша Фариза Оңғарсынова атындағы №29 жалпы білім беретін мектептің 10-сынып оқушылары Ақбота Қолғанат пен Аружан Бекқали «Су лабиринті» категориясы бойынша топ жарды. Жетекшісі – Марат Атаназаров.