Өңірлік жастар лагерінің екінші күні білім алуға арналды.
Ол үшін Алматыдан отбасылық психолог, тренер Ақан Мергембай келіп, «Отбасы және неке құндылықтары» тақырыбында тренинг өткізді. Негізгі мақсат – жастар арасындағы отбасының рөлі мен жар таңдаудың маңызын түсіндіру. Ақыл мен жүректі бағындырып, шешім қабыблдауға баулу. Сонымен қатар қоғам арасында жиі қайталанатаын отбасыллық жанжалдар мен ажырасулардың алдын алу. Семинар-тренинг жастар үшін қызықты болды. Тренер ұсынған тапсырмаларды орындап, сауал жолдап, бір-бірімен пікір алмасты.
Аталған тренингтен бөлек жастар Бибігүл Шайхиеваның «Қаржылық сауаттылық» тақырыбындағы семинарға қатысты. Онда қаржы туралы қарапайым түсініктен бастап көптеген маңызды ақпарат айтылды. Мәселен, ақшаға тек «қолдың кірі» ретінде қарамау керек екені түсіндірілді. Қаржының жұмсалуын жоспарлау, оны тиімді жұмсау және жинау тұрғысынан пайдалы кеңестер айтылды. Шығындармен жұмыс істеуде Эйзенхауэр матрицасының маңызды екенін де тілге тиек етті. Жастар өз кезегінде парактикалық жұмыстарға белсенді араласып, қаржы туралы стереотиптен арылды.
Тың ақпаратқа толы тренингтен соң жастар «Көңілді старт» тимбилдингіне қатысты. Төрт топқа бөлінген топ 4 кезең бойынша спорттық сында бақ сынады.
Әрі қарай қатысушылар топ болып, «Talent Show»-да сынға түсті. Алдымен топты таныстырып, өз өнері, пародия салу сынды кезеңдерінен өтті. Осылайша өңір жастары бойдағы талантты сыртқа шығарып, бір-біріне мерекелік көңіл-күй сыйлай білді.
Сана жаңғырған, таланттар танылған күн көңілді би кешімен аяқталды.