Германияның Берлин қаласында дзюдодан жастар арасында өткен Европа кубогында маңғыстаулық Мейірлан Максим 81 келі салмақта чемпион атанды.
Маңғыстаулық спортшы алғашқы белдесулерінде Германия, Белгия, Хорватия спортшыларынан басым түсті. Ақтық белдесуге жолдамада Берлин қаласының спортшысымен сынға түсіп, таза жеңіспен ұтты. Ал ақтық сында қазақ палуанын ұтып, Еуропа кубогын алды.
29-30 шілде аралығында өткен Berlin Junior European Cup 2023 жарысына 29 мемлекеттен 300-ге жуық спортшы қатысты. Командалық есепте Қазақстан құрамасы бірінші орын иеленді.
Сондай-ақ, маңғыстаулық Азат Күмісбай мен Жантілек Нұртілепұлы 5-орынға тұрақтады.
