Жақын арада Маңғыстау облысы аумағында әлеуметтік жобаларды акселерациялау бағдарламасы арқылы жастарды азаматтық бастамаларға тарту мақсатында облыс жастары үшін әлеуметтік жобаны іске асыруға арналған 40 шағын грант беру жоспарлануда.
Маңғыстау облыстық жастар саясаты мәселелері жөніндегі басқармасының тапсырысы негізінде «Азаматтық бастамаларды қолдау орталығы» КеАҚ қолдауымен «Түпқараған жастары» жастар қоғамдық бірлестігі жүзеге асыратын «Әлеуметтік жобаларды іске асыруға арналған шағын гранттар» әлеуметтік жобасының басты міндеті: жастарды қолдау, жергілікті қоғамдастықтардың, бастамашыл топтардың, жастар ұйымдарының және жекелеген жастардың әлеуметтік проблемаларды шешуге бағытталған жобаларын қаржыландыру.
Шағын гранттарға Маңғыстау облысының 18-28 жас аралығындағы жастары, бастамашыл топтары, жастар ұйымдары қатыса алады. Әлеуметтік жобалардың басым бөлігі белігеленген ереже бойынша 16 бағыттан тұрады.