18–22 қараша күндері Алматыда өткен мектеп оқушылары арасындағы II Әлем чемпионатында Жаңаөзен қаласындағы №18 мектептің 11-сынып оқушысы Дәулет Айқын U17 санатында үздік өнер көрсетіп, әлем чемпионы атағын иеленді.
Жерлесіміз ел құрамасының сапында бақ сынап, Маңғыстау тарихында тоғызқұмалақтан әлем чемпионы атанған алғашқы спортшы ретінде өңір үшін үлкен жетістікке жетті.
Биылғы чемпионатқа 21 мемлекеттен келген 180 спортшы қатысты.
Сонымен қатар Дәулет Айқын жарыс барысында спорт шебері атағына қажетті нормативті де орындады. Жас чемпионды жаттықтырған — Күлаш Мадрешова мен Түгелбай Қуанышов.
