Маңғыстау облысының Мемлекеттік кірістер департаментінде өңірлік Жастар ресурстық орталығының NEET санатындағы жастармен жұмыс бөлімінің ұйымдастыруымен «Лудомания – қоғам дерті» атты ақпараттық іс-шара өтті.
Кездесу барысында облыстың жастар орталығының психологы Маржан Сұлтанқызы құмар ойынға тәуелділіктің психологиялық себептері мен оның салдары туралы кеңінен айтып, лудоманияның алдын алу жолдарын түсіндірді. Ол құмар ойынның құрбанына айналмау үшін адам санасында өзіндік шектеу мен ішкі жауапкершілік болуы керектігін атады.
Шараға департаменттің елуге жуық қызметкері қатысып, өз сауалдарын қойып, тақырып аясында ашық пікір алмасты. Қатысушылар құмар ойынның отбасыға, жұмысқа және қоғамға тигізер зияны туралы нақты мысалдар мен ақпараттар алды.
Мұндай кездесулер қоғамдағы өзекті мәселелердің алдын алуға, мемлекеттік қызметкерлердің психологиялық сауатын арттыруға және салауатты өмір салтын насихаттауға бағытталған. Іс-шара соңында қатысушылар ұйымдастырушыларға алғыстарын білдіріп, бұл тақырыптың өзектілігін ерекше тоқталды.
