«Mangystau Nauryz Fest – 2021» атты жастар фестивалі өтеді

Маңғыстау. Ақтау. Жастар фестивалі 11 наурыз 2021 Облыста алғаш рет «Mangystau Nauryz Fest – 2021» атты жастар фестивалі өтеді. Басты мақсат – Амал мен Наурыз мейрамын жаңа үлгіде тойлау дәстүрін қалыптастыру. Фестиваль 14 наурыздан басталып, 23-не дейін жалғасады. Байқау аясында сурет салу, саябақтарға тал егу, ақындар мүшайрасы, спорттық ойындар сынды 20-дан астам қоғамдық-мәдени шараны ұйымдастыру жоспарланып отыр. Айта кетейік, ұлттық құндылықтарды дәріптейтін фестивальде карантин талаптары толықтай сақталады.