Ақтауда 17 қараша – Студенттер күніне орай қаладағы бірнеше колледж студенттері арасында шағын футболдан достық кездесу ұйымдастырылды.
Спорттық шараны Ақтау қалалық қоғамдық даму орталығы өткізді. Қала әкімдігінің мәліметінше, турнир жастар арасындағы достық пен ынтымақтастықты нығайту, салауатты өмір салтын насихаттау және футболға қызығушылықты арттыру мақсатында ұйымдастырылған.
Жарыс қорытындысы бойынша:
- 1-орын – Мұрын жырау Сеңгірбекұлы атындағы Маңғыстау жоғары педагогикалық колледжі
- 2-орын – Каспий өңірі «Болашақ» колледжі
- 3-орын – Асмет Ұлас жоғары педагогикалық колледжі
Сонымен қатар үздік ойыншылар арнайы номинациялар бойынша марапатталды:
- Үздік қақпашы – Қуанышев Ерлан
- Үздік ойыншы – Жұмабеков Ерасыл
- Үздік бомбардир – Шадкам Мырзабек
- Үздік қорғаушы – Григорьев Андрей
Турнир соңында жеңімпаз командаларға кубоктар, медальдар және бағалы сыйлықтар табысталды.