Германияның Рейн-Рур аймағында XXXII Дүниежүзілік Универсиада ойындарына Қазақстан ұлттық құрамасын сапында Маңғыстау облысының спортшысы қатысатын болды.
81 келіде белдесетін Азат Күмісбайға ұлттық құрама бапкерлері зор сенім артып отыр. Соңғы уақыттары үздік нәтиже көрсетіп жүрген жерлесіміз 23-25 шілде күндері неміс жеріндегі студенттер ойындарында өз әлеуетін байқап көрмек.
Үш күнге созылған жарысқа 60 елден 392 татами шебері тіркелгенгені мәлім болды. Сондай-ақ, Дүниежүзілік Универсиада ойындарында ел намысын 13 дзюдошы қорғайтыны айтылды.
Қазақстан ерлер құрамасы:
60 кг: Бақытжан Аман
66 кг: Нұрқанат Серікбаев
73 кг: Дархан Қойбағар
81 кг: Азат Күмісбай
90 кг: Айдар Арапов
100 кг: Байтас Бағжан
+100 кг: Жантілек Нұртілепұлы
Қазақстан әйелдер құрамасы:
48 кг: Диана Буркеева
52 кг: Құндыз Жылқыбай
57 кг: Дина Мұханбет
63 кг: Самалай Ерғалиева
70 кг: Кристина Сотникова
+78 кг: Ақерке Рамазанова.
Айта кететін жайт, Маңғыстау облысының өкілі Азат Күмісбай 2024 жылы Тәжікстан астанасы Душанбеде өткен әлем чемпионатында қола жүлдеге ие болған еді.
