ТМД Сыбайлас жемқорлыққа қарсы іс-қимыл жөніндегі мемлекетаралық кеңесінің қолдауымен «Сыбайлас жемқорлыққа бірге қарсымыз!» атты халықаралық жастар байқауы басталды.
Байқауға 14 пен 35 жас аралығындағы жастар қатыса алады. Олар сыбайлас жемқорлыққа қарсы күрес туралы идеялары мен көзқарастарын, сондай-ақ оның рөлі мен осы бағыттағы халықаралық ынтымақтастықтың маңыздылығын көрсете отыра, «Сыбайлас жемқорлыққа бірге қарсымыз!» тақырыбында конкурстық жұмыстар дайындайды.
Халықаралық конкурстың ережелері https://www.anticorruption.life/ ресми сайтында. Байқауға екі номинация «Үздік постер» және «Үздік бейнеролик» бойынша жұмыстар 2023 жылдың 1 қазанына дейін қабылданады.
Конкурстық жұмыстарды Агенттікпен құрылатын Ұлттық конкурстық комиссиясы іріктейді.
Конкурстың қорытындысы 9 желтоқсан – Халықаралық сыбайлас жемқорлыққа қарсы күрес күніне орай белгілі болады.