Өткен аптада қазақ спортшылары халықаралық жарыстарда ел қоржынына алтын, күміс, қола медальдар салды. Жеңімпаздар мен жүлдегерлерді жарқын жеңісімен құттықтаймыз!
Дзюдо. Ташкентте дзюдодан Әлем чемпионаты жалғасуда. Қазіргі уақытта біздің құраманың қоржынында екі қола жүлде бар. Оларды Елдос Сметов пен Әбиба Әбужақынова жеңіп алды.
Ауыр атлетика. Зульфия Чиншанло 55 келіге дейінгі салмақта Азия чемпионы атанды. Қазақстандық ауыр атлет Бахрейн астанасы – Манамада 220 (95+125) кг көтеріп алтын медаль алды.
Сондай-ақ, Арли Чонтей 55 келіге дейінгі салмақ дәрежесінде күміс жүлде иегері атанды.
Теннис. Қазақстандық теннисші Тимофей Скатов Италиядағы «Челленджер» сериясы турнирінің жеңімпазы атанды.
Спорттық гимнастика. Нариман Құрбанов халықаралық жарыстарда екі рет ерекше көзге түсті. Нариман ат спорты бойынша Парижде өткен әлем кубогы кезеңінде екінші болды. Ол сондай-ақ Венгрияда өткен әлем кубогы кезеңінде алтын медаль алды. Айта кету керек, отандасымыз Дмитрий Патанин Түркиядағы әлем Кубогы кезеңінде алтын медаль иеленді.