Қазақстандық аралас жекпе-жек Бекзат Алмахан (17-1) UFC промоушенімен келісімшарт жасасқаны белгілі болды.
Бұған дейін отандасымыз Орталық Азияның үздік промоушендерінің бірі Octagon-да жеңіл салмақ дәрежесінде өнер көрсеткен болатын. Кәсіпқой мансабында жалпы есепте 18 жекпе-жек өткізіп, тек біреуінде ғана есе жіберді. Ол соңғы 9 айқасында жеңіске жете алды.
26 жастағы спортшы Тараз қаласында туған. Жасөспірім шағында каратэмен шұғылданып, кейін ММА спортына ауысқан.
Айта кетейік, Бекзат Алмахан енді UFC промоушенінің жеңіл салмақ дәрежесінде өнер көрсетеді.