Ақтау қаласының «Quartz» би-білім орталығының тәрбиеленушілері республикалық «Живи танцуЯ» хореографиялық байқауында өнер көрсетіп, үш гран-при, үш бірінші және екі екінші орынды жеңіп алды. Бұл туралы орталықтың директоры әрі хореографы Лилия Лахмоткина мәлімдеді.
10 желтоқсанда елордада «Live the Dance» республикалық хореографиялық байқауы өтті. Оған еліміздің түкпір-түкпірінен 4 пен 16 жас аралығындағы 900-ге жуық биші қатысты.
Байқауда Маңғыстау облысының намысын «Quartz» би-білім орталығының 107 тәрбиеленушісі қорғады.
Байқау нәтижесінде бишілеріміз үш бас жүлде – Гран-при, үш бірінші орын және екі екінші орынды жеңіп алды