Жастарды өңірдің әлеуметтік-экономикалық және қоғамдық-саяси өміріне тарту, жастар арасында қылмысты алдын алу және жастардың бос уақыттарын тиімді өткізу мақсатында, жастар орталықтарында қазіргі заманның талаптарына сай «Arman» коворкинг орталығы ашылды.
Аталған орталық студенттер мен басқа жастарға ресми және бейресми білім алуға, бос уақытын тиімді пайдалануға, жеке және топтық жұмыстарды ұйымдастыруға, интернет қолдану мүмкіндігі жоқ жастарға ақпарат іздеуге, бас қосуға арналған орын.
Аталған орталық жастардың уақытын тиімді пайдалануға арналған ойын – сауық алаңы және жастардың бойында өмірлік маңызы бар дағдыларды қалыптастыру және білімі мен біліктілігін арттыруға бағытталған зияткерлік алаңы бар.
Ойын – сауық алаңында бос жұмыс орындары мен мемлекеттік бағдарламалар туралы ақпарат таблосы (теледидар), фотозона, музыкалық аспаптар үйрену бұрышы, үстел ойындары.(футбол,теннис, шахмат, тоғызқұмалақ, хоккей және т.б.), демалыс орны, кітап оқу орны, кофе-брейк, тегін WI-FI зонасы бар.
Зияткерлік алаңында тегін ағылшын курсы, тегін ораторлық шеберлік және қаржылық сауаттылық курсы, шетелдік мамандардың онлайн және офлайн оқыту шарасы, волонтерлердің білімі мен біліктілігін арттыруды мақсат ететін семинар – тренингтер, шеберлік сағаттар, кездесулер, жас кәсіпкерлер мен менторларға арналған ашық алаң, Елбасының «Қазақ тіліндегі 100 жаңа оқулық» жобасына енген және әлемдік және отандық сұранысқа ие кітаптар шоғырланған әмбебап кітапхана, жастар мен жастар ұйымдарына арналған жеке және топтық жұмыс жүргізу орны, отандық (ұлттық, патриотттық) кинотуындылардың тегін көрсетілімі, заманауи технологиялар мен интернет желісімен жабдықталған оқу аймағы бар.
CO-WORKING «ARMAN» пайдалануға өтініш қалдыру
Барлық алаңқайды толтыру міндетті
Go to the full page to view and submit the form.