Бүгін, Маңғыстау облыстық жастар ресурстық орталығының ғимаратында «Риза-Ана» қоғамдық қорының ұйымдастыруымен «Жолдау. Әділетті Қазақстан» тақырыбында жастар арасында пікірсайыс өтті.
Пікірсайыс Маңғыстау облысы жастар саясаты мәселелері жөніндегі басқармасының тапсырысымен, «Азаматтық бастамаларды қолдау орталығының» қолдауымен жүзеге асып жатқан «Жұмысшы жастар арасында белсенді азаматтық ұстанымды қалыптастыру» жобасы аясында ұйымдастырылды.
Жобаның мақсаты – кәсіпорындар мен ұйымдарда жас мамандар кеңесін дамыту, жұмысшы жастар арасында белсенді азаматтық ұстанымды қалыптастыру болып табылады.
Пікірсайысқа өңірдегі 2 қала, 5 ауданда орналасқан мемлекеттік мекемелердің жас жұмысшы жастары қатысты. Пікірсайыста жастар ағымдағы жылдың 1 қыркүйегі күні жарияланған Президент Жолдауын талқыға салды. Жастардың бір тарабы Жолдаудағы басымдықтар, артықшылықтар туралы сөз қозғаса, екінші тарап ондағы кемшіліктер мен айтылмаған мәселелерге назар аударды.
