Түпқараған ауданының құрылғанына 30 жыл және 25 қазан – Республика күні қарсаңында қазақ күресінен Социалистік Еңбек Ері Ізтұрған Оразбаев атындағы жасөспірімдер арасында қазақ күресінен облыстық ашық турнир өтті.
Қазақ күресінен ашық турнирге облыстың түкпір-түкпірінен 200-ден астам 2012-2014 жылдары туған жасөспірімдер қатысып, өзара бақ сынады. Жүлдегер мен жеңімпаздарға медаль мен арнайы диплом табысталды.
Ізтұрған Оразбаев – 1933-1935 жылдары 3 Интернационал ұжымшарында балықшы болған. Гурьев механиктер курсын бітіріп, моторлы қайықтың механигі, ал 1941-1959 жылдары Маңғыстау моторлы балық аулау стансасының механигі, «Бекташ» сейнерінің капитаны болды.
Ізтұрған Оразбаевтың өнегелі өмір жолын дәріптей отырып, өскелең ұрпаққа үлгі ету мақсатындағы спорттық шара ауданда дәстүрлі түрде өткізіліп келеді.
