Маңғыстау облысының суретшілері үшін Шерқала және Айрақты тауының маңында шеберлік сағаты өтті. Оған 30-дан астам студент пен тәуелсіз суретші қатысты.
Шеберлік сағатында ҚР Суретшілер одағының мүшесі Әлішер Жүргенов пейзаж жазу бойынша жас суретшілерге этюд салудың тың техникаларын көрсетті.
Жалпы шара екі күнге созылмақ. Бүгін шараның екінші бөлігі өтеді. Онда суретшілер теңіз жағасында жиналып, Каспийді суреттейді. Оны ҚР Суретшілер одағының мүшесі Асемқұл Бейбіт өткізеді. Бірінші сабақта өңірлік суретшілер пейзаж жазудың қыр сырын меңгерсе, бұл жолы абстракция жазу бойынша кескіндеме шеберлік сағаты ұйымдастырылды.
– Бүгін тау етегінде өткізіліп отырған шеберлік сағаты «Ақтау қалалық суретшілер одағы» қоғамдық бірлестігі Маңғыстау облысының мәдениет, архивтер және құжаттама басқармасының «Жеті түс» жобасын жүзеге асыру арқылы бейнелеу өнерін дамыту мемлекеттік гранты аясында ұйымдастырылды.
Шараның мақсаты – өңірдегі талантты суретшілерге қолдау көрсетіп, бейнелеу өнері саласындағы еңбек сіңірген қайраткерлер мен аймақ суретшілерінің басын қосып, өзара тәжірибе алмасуды қамтамасыз ету. Сондай-ақ, екі күнге созылатын шеберлік сағаты аясында 80-ге жуық қылқалам шеберлерінің біліктілігін арттыру.
Шара соңында Асемқұл Бейбіт «Бейнелеу өнері: міндет пен меже» ашық аспандағы лекториумына қатысады.
