Ақтауда «Республика күні» қарсаңында білім берудің оқу-әдістемелік орталығының ұйымдастыруымен «Ақтау технологиялық қызмет көрсету колледжінің» базасында «Мейірімді жүрек- жан шуағы» атты студенттік дүкен жәрмеңкесі өтті.
Жәрмеңкенің мақсаты – студент жастарға еңбексүйгіштік, мейірімділік, қайырымдылық ұғымдарын қалыптастыру, студенттер өздері дайындаған өнімдерін бағалай білуге, бизнеске, кәсіпкерлікке баулу.
Студенттік дүкен жәрмеңкесіне 250 адам қатысты. «TALAP» КЕАҚ менеджері Ализа Ускенова мен техникалық және кәсіптік, орта білімнен кейінгі білім беру ұйымдарының оқытушылары, студенттері, серіктес мекемелері және ата-аналар, № 16 №14 ЖББМ-нің 9-10 сынып мектеп оқушылары қатысты.
Студенттік дүкенге 12 техникалық және кәсіптік білім беру ұйымдарының студенттері өз қолынан жасалған әсемдік әшекей бұйымдар, азық-түліктер, оқып жатқан мамандық бойынша жасалған өнімдер т.б заттар қойылды.
Жәрмеңкеге келген ата-аналар және жәрмеңкеге қатысушылар қажетті бұйымдарын сатып алып, өз алғыстарын білдірді. Студенттік дүкен жәрмеңкеден түскен қаражат әлеуметтік жағдайы төмен студенттерге қажетті киім-кешек алып беруге жұмсалады.
Жыл сайын өткізілетін студенттік дүкен жәрмеңкесінің эстафетасы 2023 жылы Халел Өзбекғалиев атындағы Маңғыстау жоғары политехникалық колледжінде өткізілетін болып табысталды.
