Ақтауда «Республика күні» қарсаңында өңірдің денсаулық сақтау саласының дамуына үлес қосып жүрген ақ халаттыларды Маңғыстау облысы әкімінің орынбасары Ұлықбек Тналиев марапаттады.
-Қадірменді ақ халаттылар! Ел денсаулығын сақтауда өз үлестерін қосып жүрген сіздерді 25-қазан «Республика күнімен» шын жүректен құттықтаймын!
Мемлекеттің басты байлығы – халықтың денсаулығы. «Дені саудың жаны сау демекші», сіздер мемлекетіміздің денсаулық сақтау жүйесін дамытып, қоғамның ең маңызды бөлігін жетілдіруде күні-түні еңбек етудесіздер. Сіздердің қажырлы әрі төзімділікпен атқарған жұмыстарыңызға алғыс білдіремін, – деді Маңғыстау облысы әкімінің орынбасары Ұлықбек Тналиев.
Мереке қарсаңында еліміздің дамуы мен денсаулығы жолында атсалысып жүрген бірнеше медицина саласының өкілдері марапатталды.
Атап айтқанда: «Еңбек ардагері» медалімен «Ясин» медициналық орталығының аға медбикесі Марзия Коренских, «Маңғыстау аудандық орталық ауруханасының» УДЗ дәрігері Мейрамгүл Айтмағамбетова, «Облыстық қан орталығының» зертхана меңгерушісі Гүлшара Арыстанғалиева, «№1 Ақтау қалалық емханасының» фунционалдық диагностика дәрігері Нұрсұлу Қалжігітова, «Жаңаөзен қалалық көпбейінді ауруханасы» балалар бөлімінің меңгерушісі Самиға Айбарова, «Көпбағытты клиника «SOFIE MEDGRUP» балалар невролог дәрігері Шәрипа Жақсымбетова марапатталды.
«Денсаулық сақтау ісіне қосқан үлесі үшін» төсбелгісімен «Облыстық перинаталдық орталығының» неонатолог дәрігері Әлия Тасирова, «№1 Ақтау қалалық емханасының учаскелік педиатры Дина Татиева, «Маңғыстау облыстық көп бейінді ауруханасының» нефролог дәрігері Балихан Ұзақбаева, «Маңғыстау облыстық көпбейінді балалар ауруханасының» неонотолог дәрігері Демегүл Салықова, «№3 Жаңаөзен қалалық емханасы» ішкі аудит бойынша директордың орынбасары м.а. Роза Ерназарова марапатталады.
Ал «Денсаулық сақтау ісінің үздігі» төсбелгісімен «Облыстық фтизиопульмонология орталығының» медбикесі Құралайгөз Сариева, «Маңғыстау облыстық көпбейінді балалар ауруханасының» анестезиолог – реаниматолог дәрігері Ренат Досаев, «Облыстық перинаталдық орталығының» неонотологы Рима Рахмет, «Облыстық онкологиялық диспансер» химиотерапия және онкогематология бөлімшесінің меңгерушісі Салтанат Маштакова, «Archimed» ЖШС хирургы Серік Аманжолов, «№2 Ақтау қалалық емханасының» жалпы тәжірибелік дәрігері Ирина Қожақова, «№ 2 Ақтау қалалық емханасы» фтизитатры Алтын Жалғасбаева, «Түпқараған аудандық орталық ауруханасының емдеу ісі жөніндегі директор орынбасары Нұрзия Түлеуғалиева марапатталды.
