Маңғыстау облысының мәдениет басқармасының «Маңғыстау мемлекеттік тарихи-мәдени қорығы» 13 қазан күні «Қарақабақ – Маңғыстаудың археологиялық олжасы» тақырыбындағы пресс-конференция ұйымдастырды.
Пресс-конференцияға арнайы Қарақабақта археологиялық зерттеу жұмыстарын жүргізген археологтар археолог Андрей Астафьев, Ресейдің Археология және этнография институтының ғылыми қызметкері, тарих ғылымының кандидаты Евгений Богданов және Antique-KZ» ЖШС директоры, археология магистры Ерден Оралбай шақырылды.
Бұл пресс-конференцияның маңызды сипаты – Қарақабақта жүргізілген археологиялық зертеулердің нәтижесі, маңыздылығы, яғни тарихи орыннан табылған жәдігерлердің құндылығы жайында қазақстандық және ресейлік археологтардың зерттеулері.
Сондай-ақ, пресс-конференцияға «Маңғыстау», «AKTAU TV» телеарналары мен облыстық, республикалық газеттер журналистерінің, «Турист» ЖШС қызметкерлерінің қатысуымен өтті.
Қарақабақ қалашығы III-VI ғасырдың басына жатады.
Археологиялық зерттеулер 2017 жылы археологтар А.Астафьев пен Е.Богдановтың жетекшілігімен басталды.
Қарақабақ қалашығы – жалғыз Маңғыстауға ғана емес, бүкіл Қазақстан үшін бірегей, теңдесі жоқ туынды. Осы жерден шығады-ау, деп ешкім ойламаған жаңалық. Дәл осы жерде мемлекеттің ішінен мемлекет – анклав пайда болады. Жергілікті тұрғындармен байланысқа түспеу үшін осы қалашықты салған болатын. Алғаш рет ғұн мәдениетінің тарихында Халықтардың ұлы көші дәуірімен белгіленетін, Қарақабақпен байланысқан Алтынқазған діни-қабірлеу кешені табылды. Осы мұраға сауатты түрде, дұрыс ниетпен қараған жағдайда – бұл Оғыландыдағы Бекет ата мешіті мен Бозжырадан кем емес болатын бренд.
