«Өзенмұнайгаз» АҚ ұжымы Астана қаласында өткен спартакиадаға қатысып, дүбірлі додада топ жарды. Спорттық дода 23-25 қыркүйек аралығында Астана қаласындағы Жақсылық Үшкемпіров атындағы «Жекпе-жек» спорт арайында өтті.
VII спартакиада «Самұрық-Қазына» АҚ компаниялар тобы қызметкерлері арасында ұйымдастырылды.
Өңірлік іріктеуден өткен 600-ден астам финалистер шағын футбол, волейбол, арқан тарту, үстел теннисі, баскетбол сынды спорт түрінен бақ сынады.
Екі күнге созылған суперфиналда «Өзенмұнайгаздың» арқан тарту, футбол командасы қоржынға алтын салды. Үстел теннисінен Бақтыбек Жақсылықов қола медаль иеленді.
Сонымен қатар, «Үздік зәкір» номинациясымен Бекбауыл Батқамбаев, ерекше көзге түскен «Үздік шабуылдаушы» Нұрлан Тұрымбаев марапатталды.
