Өңірде «Zhas Project» жобасы аясында 25 қазан – Республика күніне орай қатысушы-жеңімпаз жастар «ZHAS CHARITY» жаңа қайырылымдылық марафонын бастады.
Жастардың жаңа бастамасы қарт-ардагерлерге, ерекше балаларға, көпбалалы отбасыларға, балалар үйіне, әлеуметтік аз қамтылған отбасыларға көмектесу ниеті болған.
Қайырымдылық марафонының алғашқы күнін Қарақия жастары бастады. Алмас Дощаев жетекшілігімен «Қарақия аудандық психологиялық-педагогикалық түзету» кабинетінде 25 балаға тәттілер таратып, мерекелік концерттік бағдарлама ұйымдастырды.
Жаңаөзендік және түпқарағандық жастар әлеуметтік аз қамтылған, көп балалы отбасыларға азық-түлік себеттерін таратты. Ақтау қаласы бойынша жоба жеңімпазы Сағыныш Сұлтанмұратов мамандандырылған балалар ауылына арнайы барып, мал сойып, етін тапсырды.
Мұнайлы, Түпқараған ауданы жастары мен Ақтау қаласының жоба жеңімпаздары арнайы қаржы жинап, балалар ауылына барып, балаларды мерекемен құттықтап қайтты. Бұл, жастар «Қайырымдылық жасасаң, қайырын өзің көресің» деген қағиданы берік ұстанған.
Жобалық кеңсе мүшелері осы марафонды қорытындылап Ақтау қаласының тазалығына үлес қосып тазалық саласында қызмет атқарып жүрген аға-апаларымызға мереке күні түскі ас ұйымдастырып, мерекемен құттықтады.
