Катарда футболдан өтіп жатқан әлем чемпионатында Аргентинаның ұлттық құрама командасының капитаны, әлемнің 7 дүркін үздік ойыншысы, «Алтын бутсы» атағының 6 дүркін иегері Лионель Месси тағы да «Алтын допқа» басты үміткер атанды.
Goal футбол сайтының хабарлауынша, әлем чемпионатының ширек финалынан кейін үздік ойыншы атанған Л.Месси «Алтын доп» үміткерлерінің де көшін бастады.
Бұл атаққа Мессиден басқа, онымен «ПСЖ» клубында (Париж) бірге ойнайтын Франция құрамасының шабуылшысы Килиан Мбаппе де үміткер болып отыр. Одан кейін норвегиялық Эрлинг Холанд («Манчестер Сити») үшінші болып үміткерлердің тізіміне қосылды.
«Алтын доптың» қазіргі иегері, «Реал» және Франция құрамасының шабуылшысы Карим Бензема 20-орында тұр.
