Ақтауда 30-дан астам ақтаулық оқушылар мен студенттер қатысқан EcoVision-экохакатон экологиялық білім беру жобасының финалы өтті. Хакатонда ұсынылған үздік үш экобастаманың авторлары бағалы сыйлықтарға ие болды, ал жеңімпаздар жақын арада өз жобасын жүзеге асыру құқығына ие болмақ, деп хабарлайды «Маңғыстау жастары» сайты «NewTimes.kz»-ке сілтеме жасап.
Экохакатон – «Азаматтық бастамаларды қолдау орталығы» мен «Шелл Қазақстан» компаниясының қолдауымен жүзеге асып жатқан Ecobatys экологиялық бастамасы шеңберінде өтіп жатқан жоба. Жоба барысында қатысушылар көміртекті бейтараптық тақырыбындағы онлайн және офлайн форматтардағы бірқатар тренингтерден өткен.
Жобаның мақсаты – халықтың экологиялық проблемалар, көміртегі бейтараптылығы туралы хабардар болу деңгейін арттыру және оларды экологиялық бастамаларға тарту.
Экохакатонның жеңімпаздары болып Ақтау қаласындағы «Назарбаев Зияткерлік мектебінің» оқушылары танылды. Бірінші орынды табиғи ресурстарды үнемді пайдалануға және материалдарды қайта өңдеуге негізделген болашақтың визит орталығының моделін ұсынған Дильшат Ришат жеңіп алды. Сонымен қатар, Дильшат ылғал жинайтын және жиналған ылғалды жануарлар үшін сусын көзі ретінде жүзеге асыратын құрылғының макетін модельдеген.
– Мұндай жобалар бізге әлемдегі және елдегі экологиялық ахуалға жаңаша көзқараспен қарауға мүмкіндік береді. Бірақ мұның арқасында біз қоршаған ортаны қорғау құралдарын табуды үйренеміз, жас ұрпақ табиғаттың ластануымен күреске қандай үлес қосқымыз келетінін ойластырамыз. Мен ұйымдастырушыларға қызықты тренингтер мен воркшоптар үшін алғыс айтамын»,-дейді жоба жеңімпазы Дильшат Ришат.