Бүгін Маңғыстау облысының жастар ресурстық орталығының ұйымдастыруымен әлеуметтік идеялар байқауы өтіп жатыр. Байқаудың іріктеу кезеңінен өткен 8 команда қазылар алқасының алдында өз жобасын қорғады.
Қатысушылар әлеуметтік мәселелерді шешуге бағытталған түрлі тақырыпта, яғни, қоршаған ортаны қорғау, инклюзивті балаларды оқыту және қоғамға бейімдеу, жастардың бос уақытын тиімді пайдалану бойынша жоба қорғады.
Қатысушыларға Aktownx шығармашылық бірлестігінің жетекшісі Нұрсұлтан Мырзабек, Маңғыстау облысы «Қоғамдық коммуникация орталығының» басшысы Аида Абулханова, Маңғыстау облысы білім басқармасының техникалық және кәсіптік білім бөлімінің басшысы Жәния Сармурзина, «Нұр-Али» құрылыс мекемесінің басшысы Аслан Қалақанов қазылық етті.
Айта кетейік, жоба жеңімпаздары бүгін мотивациялық кездесуде марапатталады.
